Выпадак, канечне, па форме не рэдкі, але па змесце - патрабуе і рашучых, і асцярожных і вывераных дзеянняў.
Сапраўды, калі гэтага "шкета" паб'е дзяўчынка - ён павінен адстаць, бо будзе зняважаны, а таксама пасароміцца расказаць пра гэта свайму тату. Галоўнае, каб ён сам гэта разумеў, улічваючы апісанне іх сям'і.
Сітуацыю ўскладняе ўзрост. У пачатковай школе дзеці яшчэ не дарастаюць да таго, каб затаіць сапраўдную крыўду і рыхтаваць на яе адказ. Доказам - тое, што дзяўчо не хоча засвойваць прыёмы самаабароны, а толькі пасмейваецца. Страх - можа быць, але яго тут мала, і ён перасільваецца жаданнем дзіцяці быць з калектывам равеснікаў. Момант істыны, пасля якога наступіць пералом, у гэтым узросце ўяўляе сабой нешта вельмі значнае - то бок адбыцца павінна немаведама што, каб яна пачала мысліць па-іншаму.
Мяне ў свой час не хапіла на тое, каб па-сапраўднаму сарвацца на кімсьці з аднакласнікаў - каб іншым непавадна было. А праз гады ўжо, адзаймаўшыся пэўны час айкідо, я злавіў сябе на думцы: "А вось зараз бы ..."))
Але і ў мае школьныя гады ўсё гэта было па-іншаму, а вы сутыкнуліся з новай сілай, якая мае ўплыў далёка па-за школай. Калі ёсць цярпенне - вучыце яе стаяць за сябе. Магчыма патрэбен прыклад эфектыўнасці гэтых заняткаў, каб яна ўбачыла: гэта працуе! Тады пойдзе лягчэй.
https://www.youtube.com/watch?v=QmieFKGoHr8

https://youtu.be/d7YU2WI_HQE?t=130